70 organizata juridike kërkuan shpalljen e “urisë së bukës” në Rripin e Gazës
Me dhjetëra organizata dhe institucione ligjore në një deklaratë të përbashkët të dielën kërkuan shpalljen zyrtare të urisë së bukës në Rripin e Gazës.
Këto organizata ligjore shtuan: Mungesa e sigurisë ushqimore në të gjithë Rripin e Gazës po zgjerohet për shkak të këmbënguljes së Izraelit për të kryer krime dhe përdorimin e urisë si armë për të masakruar palestinezët. Sipas kësaj deklarate, niveli i sigurisë ushqimore është ulur me fillimin e sulmit tokësor të regjimit sionist në "Rafah" në jug të Rripit të Gazës, veçanërisht pasi një ditë para nisjes së sulmit u ndalua hyrja e kamionëve me ndihma humanitare në Rripin e Gazës. Këto organizata të të drejtave të njeriut theksuan domosdoshmërinë e detyrimit të regjimit sionist për të zbatuar masat e shpallura nga Gjykata Ndërkombëtare e Drejtësisë dhe kërkesën e tij për hapjen e kalimit Rafah në kufirin e Palestinës me Egjiptin dhe mbërritjen "e menjëhershme" dhe "të pandërprerë" të ndihmave në Rripin e Gazës. Këto organizata njoftuan se më shumë se 800,000 banorë dhe njerëz të zhvendosur u detyruan të largohen nga Rafahu dhe të lëvizin drejt perëndimit të "Khan Younes" dhe "Deir al-Balah". Ata gjatë shpërnguljes morën vetëm një sasi të vogël të nevojave të tyre për jetesë dhe lanë pas vetes pjesën më të madhe të ushqimeve. 100,000 njerëz të tjerë janë zhvendosur nga Jabalia dhe Beit Lahia në perëndim të qytetit të Gazës.
