Pars Today

Pars Today - Revista Middle East Eye citon fjalët e një diplomati evropian dhe thotë:  Amerika ka humbur lidhjen e saj me realitetet e botës dhe agjencitë amerikane të inteligjencës japin argumente qesharake për kushtet botërore.

Në një analizë të publikuar nga Middle East Eye, Marco Cornellos (ish-diplomat italian/përfaqësues i posaçëm i qeverisë për koordinimin e procesit të paqes në Lindjen e Mesme dhe ambasador italian në Irak) shkruan: Komuniteti i inteligjencës amerikane së fundmi publikoi vlerësimin e tij vjetor të kërcënimeve, i cili fokusohet në kërcënimet globale. Ky dokument pasqyron analizat dhe të dhënat e përgjithshme të CIA-s, Agjencisë Kombëtare të Sigurisë, Byrosë Federale të Hetimit dhe agjencive të tjera. Në një pjesë të dokumentit të komunitetit të inteligjencës amerikane thuhet: "Gjatë vitit të ardhshëm, Shtetet e Bashkuara do të përballen me një rend global gjithnjë e më të brishtë dhe me pasoja të mëdha, të nxitur nga rritja e konkurrencës strategjike midis fuqive të mëdha, sfidave më intensive dhe të paparashikueshme mes kombeve dhe konflikteve të shumta rajonale."  Gjithashtu në vijim thuhet: "Një Kinë ambicioze por e shqetësuar, një Rusi luftarake, disa fuqi rajonale si Irani dhe aktorë të aftë jo-shtetërorë po sfidojnë rregullat e vjetra të sistemit ndërkombëtar të Amerikës." Në këtë dokument, Irani, Rusia dhe Kina konsiderohen si vende të liga që mundohen për të sfiduar sistemin ndërkombëtar. Një analizë e tillë nuk është befasuese pasi ka qenë motoja e politikës amerikane për shumë vite.  Problemi është se nuk është e qartë se cilat rregullave i referohet raporti: E drejta tradicionale ndërkombëtare e përfshirë në Kartën e OKB-së dhe konventat e saj ose në rendin botëror të udhëhequr nga SHBA.  Problemi kryesor është se nuk ka dallim midis strukturës politike amerikane dhe aleatëve të saj kryesorë perëndimorë.  Ata e kanë shumë gabim. Ky mentalitet amerikan është një rend i bazuar në ideologjinë neoliberale dhe i mbushur me standarde të dyfishta; Fatkeqësia në Gaza është shembulli më i dukshëm dhe më i fundit i këtij sistemi.  Kjo axhendë mund të përmblidhet me një slogan jozyrtar: "Gjithçka për miqtë e mi, ligji për armiqtë e mi". Amerika duhet të pranojë historinë. Nuk është për t'u habitur që raporti i komunitetit të inteligjencës amerikane akuzon Kinën, Rusinë dhe Iranin, së bashku me një numër aktorësh jo-shtetërorë (duke përfshirë Hezbollahun në Liban, Hamasin në Palestinë dhe Ansarullahun në Jemen).  Një qasje e tillë qesharake tani jo vetëm që nuk pranohet, por po sfidohet nga shumë vende të të ashtuquajturit vendet e jugut. Vetëm disa vende në Evropë dhe Azinë Lindore e konsiderojnë supremacinë e SHBA-së si një parakusht të sistemit ndërkombëtar.  Rendi botëror po ndryshon nga një konfigurim njëpolar në një konfigurim shumëpolar. Përgjatë historisë, perandoritë janë ngritur dhe më pas janë shembur. Politikëbërësit amerikanë do të ishin të mençur t'u përshtateshin këtyre rregullave të historisë.  Ata tani përballen me dy zgjedhje:  Prano verdiktin e historisë, siç ka bërë gradualisht Britania që nga viti 1945, ose rezisto në mënyrë katastrofike. Referimi i krizës së Gazës në këtë raport jep një pamje më të qartë të pikëpamjeve joreale të agjencive amerikane të inteligjencës.  Siç thuhet në një pjesë të këtij dokumenti amerikan:  “Mjafton të shikohet kriza e Gazës, e cila filloi nga një grup shumë i fuqishëm terrorist jo-shtetëror brenda Hamasit.  Gjendja përkeqësohet nga ambiciet e Iranit dhe nga qasja e inkurajuar nga Kina dhe Rusia për të dobësuar Shtetet e Bashkuara.  Kjo situatë tregon se si një krizë rajonale mund të ketë efekte të gjera dhe të komplikojë bashkëpunimin ndërkombëtar për çështje të tjera urgjente”. Kjo pjesë e raportit tregon qartë se komuniteti amerikan i inteligjencës në thelb nuk është në gjendje ta shohë me saktësi konfliktin në Gaza:  Një luftë nacionalçlirimtare që vazhdon për dekada kundër pushtimit brutal dhe të pandëshkuar të territoreve palestineze nga Izraeli; Një pushtim i mundësuar nga dërgimi i armëve në shkallë të gjerë nga Shtetet e Bashkuara dhe krijimi i një mburoje politike për Izraelin. Gjithashtu, duhet theksuar roli mbështetës i Shteteve të Bashkuara në Këshillin e Sigurimit, pasi nëse ajo  nuk do të ekzistonte, Izraeli do të mbante përgjegjësi për kryerjen e krimeve të luftës. Shkaku i vërtetë i dobësimit të pozitës globale të Amerikës nuk janë veprimet e pretenduara të atyre qeverive, por sjellja me standardeve të dyfishta të Uashingtonit, duke përfshirë mbështetjen e palëkundur të Amerikës për gjakderdhjen e Izraelit në Gaza. Pas propozimit të rezolutës së armëpushimit në Këshillin e Sigurimit, qeveria Biden e kundërshtoi atë dhe u përpoq të reduktonte kuptimin dhe ndikimin e rezolutës në nivelin minimal të mundshëm duke e quajtur atë jo detyruese. Ky dokument është publikuar ndërkohë që më shumë se 34 mijë persona janë martirizuar në Gaza nga regjimi sionist, shumica e të cilëve janë gra dhe fëmijë.