Rais wa Afrika Kusini ajibu bwabwaja na vitisho vya Trump

Rais wa Afrika Kusini, Cyril Ramaphosa amejibu matamshi ya vitisho na ubabe ya Rais wa Marekani, Donald Trump ambaye hivi karibuni alitishia kuongeza ushuru wa asilimia kwa nchi ambazo zinajiegemeza na kufungamana na "sera za kupambana na Marekani" za jumuiya ya kiuchumi ya BRICS.

Akizungumza na vyombo vya habari huko Rio de Janeiro, Brazili jana Jumatatu, Rais Ramaphosa amesema, "Kamwe kusiwe na kisasi na mashinikizo dhidi ya nchi zinazotafuta ushirikiano na kufanya kazi ili kuendeleza "maslahi ya ubinadamu,"

Ramaphosa amesema BRICS inapaswa kutazamwa kama mojawapo ya vituo kadhaa vinavyoibukia vya nguvu duniani vinavyofanya kazi kuboresha utawala na maendeleo, na si kama mpinzani wa taasisi zilizopo kama vile Umoja wa Mataiga na kundi la G20.

Rais wa Afrika Kusini ameitaja taarifa ya pamoja iliyotolewa na jumuiya hiyo huko mjini Rio de Janeiro kuwa "tamko zuri" linalolenga kuendeleza mailahi ya watu kote ulimwenguni.

Kufuatia kuongezeka kwa ushawishi wa kundi la BRICS katika uchumi wa dunia, Rais Donald Trump wa Marekani ametishia kutoza ushuru wa ziada wa asilimia 10 kwa nchi yoyote itakayoshirikiana na BRICS.

Kupitia mtandao wa kijamii wa Truth Social, Trump aliandika: “Nchi yoyote itakayofuata sera za BRICS zinazopinga Marekani, itatozwa ushuru wa ziada wa asilimia 10. Hakutakuwa na msamaha wowote katika sera hii.”