Kamanda: Vijana wa Iran watatoa jibu kali kwa maadui
https://parstoday.ir/sw/news/iran-i67664-kamanda_vijana_wa_iran_watatoa_jibu_kali_kwa_maadui
Kamanda wa Jeshi la Majini la Jamhuri ya Kiislamu ya Iran amewaonya maadui kuwa tishio lolote dhidi ya Iran litakabiliwa na jibu kali kutoka kwa vijana wa nchi hii.
(last modified 2023-11-27T08:44:11+00:00 )
Habari   /   Iran

Kamanda: Vijana wa Iran watatoa jibu kali kwa maadui

Mar 08, 2021 08:06 UTC
  • Kamanda: Vijana wa Iran watatoa jibu kali kwa maadui

Kamanda wa Jeshi la Majini la Jamhuri ya Kiislamu ya Iran amewaonya maadui kuwa tishio lolote dhidi ya Iran litakabiliwa na jibu kali kutoka kwa vijana wa nchi hii.

Kamanda wa Jeshi la Majini la Jamhuri ya Kiislamu ya Iran Admeri Hussein Khanzadi ametoa kauli hiyo leo Jumatatu na kuongeza kuwa: "Majeshi mawili ya majini, yaani Jeshi la Jamhuri ya Kiislamu ya Iran na Jeshi la Walinzi wa Mapinduzi ya Kiislamu (IRGC), yamewazuia maadui kufika katika mipaka ya majini ya Iran." Ameongeza kuwa maadui wanafahamu kuwa tishio lolote litakabiliwa na jibu kali na lenye maangamizi la vijana wa Iran.

Akizungumza wakati wa mkutano na makamanda wa majeshi yote mawili ya majini ya Iran, Admeri Khanzadi amesema  usalama umeimarishwa katika Ghuba ya Uajemi, Lango Bahari la Hormoz na Bahari ya Oman kutokana na uwepo wenye nguvu wa Jeshi la Jamhuri ya Kiislamu ya Iran na Jeshi la Walinzi wa Mapinduzi ya Kiislamu.

Meli ya kivita ya Jamaran, iliyoundwa kikamilifu nchini Iran ikifanya mazoezi baharini

Ameongeza kuwa, ushirikiano wa majeshi haya mawili ni muhimu katika kuangamiza njama zote za maadui kutoka nje ya eneo na kudumisha usalama.

Jamhuri ya Kiislamu ya Iran imekuwa ikisisitiza  mara kwa mara kuwa uwezo wake wa kijeshi ni kwa ajili ya kujihami na ni kwa maslahi ya amani na usalama wa eneo.