Pars Today

Hata hivyo Mackenzie na wenzake wote walikana mashtaka yaliyowasilishwa mbele ya mahakama katika mji wa Malindi hapo jana Jumanne.

Mshtakiwa mmoja ameonekana kuwa hana uwezo wa kiakili kujibu mashtaka na ameagizwa kurejeshwa katika Mahakama Kuu ya Malindi baada ya mwezi mmoja.

 

Waendesha mashtaka walisema Mackenzie aliamuru wafuasi wake wajiue kwa njaa wao na watoto wao ili waweze kwenda mbinguni kabla ya ulimwengu kuisha, katika mojawapo ya maafa mabaya zaidi yanayohusiana na masuala ya ibada katika historia ya karibuni.

Paul Mackenzie, ambaye ni dereva wa zamani wa teksi aliyejiita mchungaji tayari amefunguliwa mashtaka ya "ugaidi", mauaji ya bila kukusudia pamoja na kutesa watoto na ukatili. Alikamatwa Aprili mwaka jana baada ya miili kupatikana katika msitu wa Shakahola.

Uchunguzi wa maiti ulionyesha kuwa wengi wa wahasiriwa 429 walikufa kwa njaa. Lakini wengine, ukijumuisha na watoto, walionekana kunyongwa, kupigwa, au kukosa hewa.

Kesi hiyo, iliyopewa jina la "Mauaji ya Msitu wa Shakahola", ilipelekea serikali ya Kenya kulipa zingatio maalumu suala la kuwepo udhibiti mkali wa shughuli za madhehebu tofauti za kidini.

Likiwa ni taifa lenye Wakristo wengi, Kenya imetatizika kudhibiti makanisa na matapo yasiyofaa ambayo yanajihusisha na uhalifu.../