Një valë e re greve e stafit mjekësor godet në Britaninë e Madhe
Mijëra mjekë specialistë në Britani ndërprenë punën në shenjë proteste kundër kushteve të pafavorshme të punës.
Mjekët specialistë në Mbretërinë e Bashkuar të martën dolën në grevë për të protestuar kundër kushteve të këqija të punës. Nesër të mërkurën në radhët e protestuesve supozohet t'i bashkohen edhe mjekë të rinj. Sipas këtij raporti, drejtuesit e spitaleve në Britani kanë thënë se për shkak të protestave të fundit, radha e shumë pacientëve, veçanërisht pacientëve të veçantë, është shtyrë për të disatën herë. Partia e Punës Britanike ka bërë të ditur gjithashtu se 120.695 pacientë që prisnin trajtim në Organizatën Kombëtare të Shëndetësisë dhe Trajtimit të këtij vendi vdiqën para fillimit të trajtimit të tyre. Menaxherët e spitaleve publike britanike thanë se për më shumë se një dekadë, fondet e nevojshme nuk janë ndarë për spitalet dhe për rrjedhojë, spitalet po përballen me mungesë të fuqisë punëtore, pajisjeve dhe shtretërve dhe për këtë arsye, shumë pacientë vdiqën në pritje të kurimit. Mjekët në Britani prej vitesh janë në grevë në shenjë proteste ndaj asaj që ata e quajnë indiferencën e qeverisë ndaj kërkesave të tyre, mungesës së ambienteve dhe fuqisë punëtore në spitalet publike britanike dhe për të ndërgjegjësuar shoqërinë për thellësinë e krizës në shëndetin publik dhe spitalet e këtij vendi.
