Rais Pezeshkian asisitiza azma ya Iran ya kutekeleza makubaliano yake na Oman

Rais Masoud Pezeshkian wa Jamhuri ya Kiislamu ya Iran amesisitiza umuhimu wa kupanua na kuendeleza uhusiano na majirani na nchi za Kiislamu kama kipaumbele cha kimkakati cha Tehran.

Rais Pezeshkian amesema hayo hapa mjini Tehran katika mazungumzo yake na Waziri wa Mashauri ya Kigeni wa Oman na kueleza kwamba, "Nchi ya Oman ina nafasi maalum kwetu kutokana na kuwepo kwa mambo ya kawaida na uhusiano wa kina wa kitamaduni na kisiasa, na azma na nia ya Iran ni kutekeleza makubaliano ya pande mbili na kupanua uhusiano na Oman katika nyanja zote."

Rais Pezeshkian amesema, kufanyika mkutano wa kamisheni ya pamoja ya uchumi kati ya nchi hizo mbili ni msingi wa kuharakisha mchakato wa kutekeleza makubaliano yaliyofikiwa kati ya nchi hizo mbili na kuunda uelewa wa kupanua zaidi uhusiano kati ya Tehran na Muscat, na akasema: Azma na nia ya Iran ni kutekeleza makubaliano ya pande mbili na kupanua uhusiano na Oman katika nyanja zote, na tunatumai kwamba mipango yake katika nchi rafiki na ya kindugu ya Oman pia itafanywa zaidi kuliko hapo awali kwa umakini maalum uliopo miongoni mwa maafisa wa Oman.

Katika sehemu nyingine ya mazungumzo na Sayyid Badr bin Hamad Al Busaidi, Waziri wa Mashauri ya Kigeni wa Oman, Rais Pezeshkian ameashiria matukio ya hivi karibuni katika eneo na dunia na nafasi haribifu ya Marekani na utawala wa Kizayuni katika kuvuruga amani, utulivu, na usalama wa kimataifa, na kubainisha kwamba, njama  zote za Marekani na utawala wa Kizayuni ni kuendeleza vita na ukosefu wa usalama katika eneo hili, kuzuia kuundwa kwa umoja miongoni mwa nchi za Kiislamu, na kuleta mgawanyiko ili ziweze kutekeleza nia na malengo yao maovu."